受訓後，PAPER表現得比以前穩定，出街前會乖乖坐下，不會扯繩，走路時比較專心，不會亂衝亂撞; 主人停步時，亦會主動停下再聽指示。

至於SUNNY SIR 所提供的輔助用品，亦十分有效, PAPER表現穩定多了，另外 CLICKER亦對於外出前令PAPER情緒穩定下來，及更服從，亦令PAPER不會亂吠其他狗隻，往後見到其他狗隻亦不會有太激動反應。

除了對PAPER之外，我亦學到不少與PAPER相處之道，及更明白狗的想法， 能從狗的角度理解牠們的需要，亦深深明白到主人及寵物之間 "地位" 的重要性，了解到彼此間相處之道。

相比訓練之前，實在是判若兩"狗"，我們己經非常開心~~~

荳B 於兩個半月時到我家, 因一些無良狗販照顧不當之原故, 由BB至九個月大那段時間, 他根本只是不停的進進出出寵物醫院, 由於錯過了狗隻社交的黃金時間, 導致他在後來的日子出街時都有很大問題, 出街扯繩問題非常嚴重, 見狗亦會激動…而且他不肯在家洗腳仔, 每次出街回家後, 都要和他來一場大搏鬥, 整天都打打鬧鬧, 家嘈屋閉.

扯繩問題之嚴重令我每天和他散步都像在滑水一樣, 短短的十分鐘路程巳可令我整隻手臂都痛, 再加上我比較瘦弱, 骨頭都像散了一樣….而且由於當時不知道他的精力根本得不到適當的發洩, 在家和他玩耍時就更見激動, 有次更因太激動而咬傷了我一點點…當時真的很傷心, 我那麼愛錫他, 他竟然咬我…亦因此令我不得不正視他的行為問題.

我開始閱讀很多有關犬隻訓練的書籍, 明白到犬隻訓練分為服從指令及行為訓練, 而懂得指令服從的狗隻, 一樣會出現行為問題. 尋遍澳門所有提供狗隻訓練的場所及課程, 但並沒有犬隻行為訓練,  於是我開始搜尋香港及大陸的犬隻訓練師, 希望找到一位有經驗, 手法正面的好老師肯舟車勞頓來澳門教學.  幸運地, 在香港眾多犬隻訓練師當中, 找到唯一一位肯到澳門教學的Sunny Sir.

終於, 在七月時, 荳B就開始上堂, 經過第一堂的課程, 荳b的扯繩問題巳解決了七八成, 當時真的覺得很神奇, 只是用Sunny Sir介紹的工具及跟隨所教導的方式, 每天和荳B散步最少一個小時, 問題巳得到控制及極大改善, 在家玩耍亦不會過於激動. 另外, 由於滿街都充斥著激動狗 (包括荳B在內) 和菲傭狗, 荳B根本無機會交到狗朋友, 令我覺得他好像很孤獨, 而且每次從他望著其他狗狗經過時那種渴望結識的眼神, 更令我不知如何是好, 一來怕對方的狗傷到荳B, 相反地, 亦怕荳B這隻大力士傷到對方…經過Sunny Sir的教導, 我開始學懂分析對方是否一隻友善的狗狗, 而荳B亦學懂不再激動, 見到狗狗會靜靜坐下, 若對方是激動一族, 他更會跟著我繼續散步, 不會停留.  看到荳B有如此大的改善, 真的很安慰, 而荳B亦開始認識一些狗街坊, 多了朋友. 至於洗腳問題, 經過Sunny Sir的教導, 現在和荳B洗腳簡直是容易多了, 荳b亦不再害怕風筒聲, 亦不會一邊洗腳一邊不停的在喝洗腳水 =.=”

真的很感激Sunny Sir的教導!  除了令荳B更冷靜, 亦令我的生活變得更有規律更健康. 從和狗狗相處當中, 我亦變得更冷靜和有耐性. 而最大的得益是, 令我真的享受到養狗的樂趣!!

Mad Mad自兩個多月大成為我家的新成員, 剛回家時, 牠大病了一場,令我們更加珍惜和疼鍚牠! 在牠還年幼時, 已經有咬手、撲人、撲貓丶隨街執垃圾食等的情況.  起初, 我們也是跟一般人的想法一樣: “小狗還年幼,長大後問題會自動消失的!”.   直至牠五至六個月大時,剛剛有家人從外國回來,由於極喜愛小狗,天天和牠玩個不停, 牠的行為問題就更嚴重了!

外出散步? No Way!!
因為牠有嚴重扯繩問題..行不夠五分鐘, 我已經沒氣力和牠角力了…

和其他狗狗靠近一點? No Way!!
因為對方一見我的狗狗就轉頭走了, 都是牠太激動的原故 …

在家吃午餐/晚飯? No Way!!
因為牠會吠個不停…

簡直是令人煩惱不已!

自訓練後, 我們才醒覺原來牠的行為問題，都是我們的錯! 經過Sunny Sir 教導如何與狗狗相處、如何提升我們在家中的地位、再加上許多工具上的協助, 牠的咬手、撲人、撲貓、扯繩等的問題已改善許多了!  現在, 我們才真真正正享受和Mad Mad一起的日子呢! 散步時, 得到街坊們的稱讚, 這才深深領會到我們的努力、堅持和付出是值得的!! Mad Mad 不再是咬人的鱷魚了!! 我們的愛犬終於有狗朋友了!!

往後日子,我倆希望讓Mad Mad在衝衝的十多年生命中, 活得健康,幸福愉快!!

狗主訓練後感 / Owner says (Sandy & Joey)

滴滴2個半月便來到我們的家庭，是一隻很活潑可愛的小狗，自認為有養狗經驗的我們，真不敢相信我們需要找犬隻訓練呢！

滴滴回家初時去厠所的習慣不太穩定，也有咬手、容易興奮等壞習慣，令我們非常頭痛。後來便找來Sunny，希望他幫助我們教出一隻人見人愛的狗狗。Sunny 一來便叫我們收起玩具、收窄滴滴的活動範圍，還要讓我們及滴滴明白，人狗有別，要分清誰是主人。

初時聽著Sunny的理論，要自己跟著做實在不容易，因為自己一心想著要滴滴開心生活，讓牠自由活動，玩喜歡的玩具，與家人一樣。不過及後我們在想，讓狗狗做愛做的事，但卻日日被我們又打又鬧，最終狗狗也未必開心！狗狗的天性與人不一樣，何不用一個大家愉快的方式來相處？

及後我們便著Sunny的一套去行，結果嘛，在短短的一個星期裡，滴滴去厠所的習慣便大大的改善了。而滴滴這隻硬頸的小狗，由初初落街散步的30分鐘不停「鶯鶯鶯」、不停咬嘴帶，到現在45分鐘的路程依然悠然自得，Sunny教我們的堅持及耐性，令我們每天都享受著散步的時間！

3堂短短的時間，Sunny讓我們及滴滴學懂了大家相處方式，調校了我們應有的態度，讓我們更加享受養狗狗的樂趣呢！

傻B本身對人對狗都唔太友善, 雖然對狗只係得把聲, 但我地好怕因為佢咁既行為令其他狗狗誤會佢想攻擊反而令到佢自己受傷, 亦都好怕佢會襲擊想摸佢既人, 令到佢因為咁而被送去人道毀滅。所以決定搵Sunny幫忙, 希望可以解決到佢既問題。

經Sunny觀察到我地同傻B相處時既表現, 發現到原來我地好多時基於愛護佢既行為, 會令佢變得更加大少爺, 自覺地位比我地更高。短短既一堂時間裡面, Sunny教我地既方法已經立即見到效果。

雖然有時要我地忍心啲唔理佢, 見到佢好慘既表情都覺得好心痛, 但我地又唸: 與其Sunny講一套, 我地選擇性地做另一套, 結果上左堂等於冇上, 倒不如努力啲跟足佢既吩咐黎做, 當初俾得錢出黎就決心做好佢!

經過幾日不斷努力去嘗試/練習後, 已經好明顯地見到佢對電單車已經冇晒反應。
其他人摸佢時已經冇再想咬人咁, 而家仲好享受俾人摸添! 其他狗想飲佢啲水時, 佢已經冇再趕走人地啦, 反而讓開俾人地飲先添! 對狗方面, 佢都開始識得點同狗玩, 唔再做孤獨精, 雖然玩得好粗魯, 但起馬佢唔係有惡意, 只係想同啲狗仔玩。

唸番起當初俾錢出黎請Sunny教佢, 真係覺得絕對物有所值!

在接觸 Sunny 之前，我在網上及書本上已找尋過一些關於狗狗健康及訓練的資訊，可是關於行為/訓練方面的資訊比較參差，每人都有一套講法，或是講解得不夠詳細，根本不知道誰人的方法是正確/合適，令我覺得得益不大。雖然我知道Didi並無十分嚴重的行為問題，但害怕Didi再大一點到時想教也教不好，所以趁Didi年紀還小便找了Sunny來做行為訓練。

課程期間過得很充實，因為是全互動形式，可以發問/了解各方面針對性的問題，由Didi的行為、習慣、某個動作、性格特徵到日常護理等，從Sunny處都可得到令我滿意的答案，遠比自己在網上/書本中自行尋找實用/合適得多。

第一堂訓練後開始跟著Sunny的方法去做，只過了三四日便發覺 Didi 開始起了轉變，開始變得乖一點定一點，見到其他狗狗也再沒以前般亂吠亂衝 (雖然還是很想走過去)，當時我還覺得很神奇，好像沒有做過甚麼但Didi就有如此轉變。我現在回想起，其實是因為我們跟隨Sunny的方法解決了Didi的精力問題、提升了主人地位及使用了正確的工具，這些在網上/書本上都找不到的東西正正就是每隻狗狗都需要的東西。當知道自己的狗狗視自己為領袖，也會產生在其他地方找不到的滿足感呢！

雖然每次朋友問起我訓練需要幾多學費後都會說很貴，但親身經歷過Didi 轉變的我們一家都覺得很值得。不過不要以為付了學費狗狗就自然會乖起來，訓練的完結才是代表堅持 + 耐性的開始！Sunny的訓練令Didi及我們一家都終生受用！

我叫蕃薯,是一隻高貴可愛的貴婦狗, 正因如此, 我給每一位地球人寵壞了, 還把我的主人氣得半死! 自從我登上狗皇帝這寶座後, 我便不再讓主人觸摸我的身體, 不喜歡冲涼和抹腳, 更不喜歡食狗糧, 只喜愛食主人吃的東西。為了阻止主人迫我做我不喜歡做的事, 我就用 o胡叫及 咬咬咬 等絕招來阻止他們,導至家無寜日。

幸好我的聰明主人找來了練狗師 Sunny Sir, 在他的指導下, 設計一些合適的訓練。不出3個月內，我又便回一隻又乖又可愛的小狗, 不再抗拒冲涼, 雖然我仍然不太喜歡抹腳,但都冇再咬主人了, 我而家食嘢亦變得很有規律了, 主人一家人還讃我乖,有八十分呀! Sunny Sir 多謝晒! ro ro ro~

Joy 2 個月時已經成為我家一成員, 當時我與一位都有養 Yorkshire terrier 的朋友同住, 所以 Joy 由細開始都沒有獨處過, 依賴性非常強, 當我一回家, 她就跟著我寸步不離, 就算洗澡時也要跟著我, 更在門口亂吠。當我與我的朋友分開住, 我朋友的yorkshire terrier 也跟隨我朋友一起搬走, 情況更加嚴重了。

面對新地方新環境, 再加上沒有另一隻狗仔作伴, 她的分離焦慮開始漸漸浮現, 當我每天一離開家時, 她會在家亂吠, 破壞, 招來鄰居嚴重的投訴。之後我嘗試上網和買些參考書, 試試自己去解決問題, 但問題都沒有解決。鄰居連番的投訴, 若不再解決問題, 我就要被業主趕走, 所以我找上Sunny 幫我去解決問題

自從上了Sunny的課程後, Joy 的情況有了一定的改善。第1堂, Sunny 跟我上了一堂歷時 3小時的理論及技巧堂, 他會細聽我道出Joy 的問題, 細心觀察, 分析, 再觀察我的屋企環境情況去了解我的問題所在, 再去說明他的訓練方法, 吩咐我去嘗試, 執行, 亦留下家課給我和Joy 去做。雖然我工作非常繁忙, 亦努力去實行Sunny 給我的功課 -- 每天定時跟 Joy 行街, 玩耍, 執行各種規則, 分清楚和確保主人的地位。 過了3 堂的訓練後, Joy 直到現在再沒有發生分離焦慮的事, 鄰居亦沒有投訴, 多謝 Sunny 的教導!

We had quite a bit of trouble with our two dogs who often misbehaved and showed dysfunctional patterns. Thanks to Sunny, the situation improved a lot and we can enjoy our two dogs much more now. He not only was very patient with our dogs but also explained to us the psychology of dogs so that their behavior made more sense to us. As a result, we also understood how we need to change our own behavior to get our dogs better behaved.

It was a true pleasure to work with Sunny, he displays a rare combination of authority, professionalism and patience. Thanks, Sunny!”

我地第一次養狗，重要係一隻 “活潑” 的哥基，所以一開始就有一大堆問題。例如開始時，夜吠，過度興奮，咬手等，對住佢並唔係一般想像中小狗BB既可愛同友善，所以初初都好激氣 (血壓都升咗唔小)。為咗解決問題，其他人不同既意見又有，書又買咗一大疊，資料一大堆，但都係唔知點好。後來由朋友介紹Sunny，係佢身上學咗正確的理論同生活上的建議，例如狗糧好壞、大小便訓練、落街點控制狗狗等等，又有不同的工具幫助，頭兩堂過後見到Uni慢慢有進步，雖然問題仍然有，但我地開始知道應該從何入手，心情都輕鬆咗。Sunny既指導下有好多得著，以下既感受想分享:

1. 比狗狗知道我地係leader，主人要強，但唔係用武力．（如果唔係，甄子丹可能係宇宙最強既trainer）
2. 要一早比狗狗見識呢個世界，建立社交能力，唔做宅犬。主人的責任要保護佢，要知道邊隻係善良，邊隻有攻擊性
3. 工具的確有好多，但唔係有錢買就得，要用時間同恆心先可以發揮功能
4. 我地雖然係主人，又係衣食父母，但都唔容易可以要佢點做就點做。佢都有喜惡同性格．要時間慢慢來

養咗佢 7個月，現在 9 個月大，平均佢都有70分架喇! 多謝 Sunny 的教導!

Sunny係第一堂時就問: 你地覺得哈仔開心嗎? 我地當時答, 佢有玩具玩, 又有零食食, 仲成日同佢一齊訓覺, 佢應該好開心啊!

Sunny 再問: 咁你地開唔開心? 我地就答: 最唔開心係有時佢唔乖, 當我地鬧佢個陣,佢會好惡咁”胡”返我地,我地咁錫佢,佢就咁樣黎報答我地......

上完Sunny 既 Training 之後先知其實原來好多狗狗既為行問題都係出於主人既溺愛而導致狗狗以為自己先係大佬, Sunny 教我地用左好多有用既方法逐漸提升番主人既地位從而改善左狗狗行為上既問題。

作為主人, 我覺得既然決定左比狗狗成為家庭一份子, 就應該盡心盡力去照顧佢, 以前因為返工忙, 唔會成日帶到哈仔落街, 但而家放左工就算好累都會第一時間帶佢落街散下步, 因為 Sunny 話其實散步都好緊要, 就好似親子活動一樣, 哈仔而家經七歲了, 幸運既己經做左半世狗, 餘下來既下半世我地會繼續好好咁照顧佢, 繼續用正確既方法去同佢相處愛錫佢。

希望從此以後, 我地同哈仔仲有其他主人同狗狗朋友都可以快快樂樂咁生活落去, 哈哈!

Thank You Sunny!

Uni 係一隻激動嘅狗狗，同埋同其他史納莎一樣都係比較鍾意用發聲黎表達佢嘅訴求。佢細細個嘅時候我地好少帶佢落街，錯過左黃金時期，又唔識好好教佢激動係唔好，所以佢 keep住平時見到我地返屋企就尖叫，我地就會盡快放佢出黎安撫佢，之後情況越黎越嚴重，我地朝早起身出房佢又尖叫，搞到被人投訴…

Uni 細個嘅時候少落街，導致而家見到任何移動物體都會吠，聽到d聲音(講電話聲、小朋友叫聲)大d又會吠，可能曾經被狗咬過兩次，又加深左佢見到狗就吠，我地都好困擾。

上左Sunny 嘅 training之後，對 calming signals 認識多左，識得分別冷靜同激動，其實呢個training主要係訓練主人，因為過程中主人嘅自制能力，主人嘅耐性，主人嘅勤力係好好好好好重要。Uni用左manners minder之後，係屋企嘅激動係改善左好多，出街用咀帶配合clicker training 之後唔會搶繩，所以我地又帶多左佢落街，又同佢行成個鐘…見狗見人激動已有改善，但其實同理想還有一段距離，我知道唔係一兩個月可以完全解決嘅問題，Uni 爸爸媽媽會同你一齊努力！

個傻 momo細細個上左繩就唔肯行，落街又驚風，又攤地又反肚，開頭佢硬頸到死，扯佢佢都唔行，淨係 unun聲唔開心咁慘叫，不過Sunny 教我地係屋企都要上住繩，慢慢等佢習慣，又帶佢落街聽聲睇野，所以出多幾次之後，鼓勵下佢，佢就慢慢肯行喇 (佢自己肯行個一刻係好感動!!!!)，而家仲會乖乖唔扯繩添呀！大小便呢…而家佢學識左落街痾，所以係屋企就會盡量忍住，不過我仍然係想佢學識在屋企尿板痾，有時打風落雨都唔可以落街ma，所以都係個句，一齊努力！

其實綜觀 Uni同 sumomo 嘅 training，香港人生活忙碌，朝早七點至夜晚八點都唔係屋企，所以要訓練狗狗真係需要主人更多嘅恆心同毅力，就算好攰點都要每日騰空d時間做training，每日帶佢落街等佢地用下d energy，係一世架，真係冇“一勞永逸”呢支歌仔唱架！