Chubby

Chubby
名稱: Chubby
品種: Toy Poodle
性別: 男 / 3個月
問題: 一般幼犬問題如: 咬手咬腳、興奮失控、不停吠叫

 


狗主訓練後感 / Owner says 

係接狗仔返黎之前,已經做左好多 Research, 點樣訓練狗狗去廁所, 屋企布置如何, 基本訓練等等…全家都準備好迎接貴婦狗仔 Chubby既來臨。點知只係短短幾日,Chubby已經令我地屋企好頭痛! 佢係一隻好活躍既狗仔,跳跳跳無時停,一困住籠會吠同係咁 UnUnUn,俾佢出黎就會亂大小便同亂咬野,每次食野都好激動!最慘既有一次好大聲咁 NO 佢之後,竟然吠返我,真係好傷心。擔心既除左係怕會影響鄰居之外,長期會令狗仔成長得唔好。所以決定盡快同佢上堂,睇下 Sunny Sir 有咩辦法。

上左堂之後,先發現係網上同聽其他人唔同既講法,並唔係每套都正確,而且實踐上往往同只睇文字有出入。狗仔同我地上左第一堂之後,已掌握左基本既方法,直到上第二堂之前,已經慢慢有改善。其實訓練狗仔同教育小朋友一樣,係好需要耐性同容忍,你唔可以教完佢一次之後,就期望佢唔再錯。教Chubby去廁所教左幾個月時間,中間反反覆覆,但跟住 Sunny Sir 既指示後,到而加佢已經完全記得廁所係邊,無賴尿,全家都好開心。

用返同一套 Concept,狗仔學野學得好快,好快就已經明白屋企既規矩。到而加佢就快7個月,受訓已3個多月,我唔可以話佢已經係一隻好Pertect既狗,但至少佢識去廁所,肯俾我地美容,整耳仔,剪趾甲,肯冷靜地等食野,同街唔扯繩,對人有禮貌等… 其實睇得出佢都好努力學習同人類相處,學習知道我地想佢點呢!上堂前覺得狗仔明明咁可愛,點解會咁頑皮,而加明白到原來係我地太複雜,唔明白佢地想表達d 咩。建議狗主係狗仔細個既時候都應該同佢地一齊上堂,盡快了解同狗相處既方法,令家人可以享受到養狗仔既樂趣!

 

 

 

There are no products to list in this category.