Cedar

Cedar
名稱: Cedar
品種: Shiba Inu
性別: 女 / 三個月
問題: 一般幼犬問題如: 咬手咬腳、興奮失控、抗拒美容

 


狗主訓練後感 / Owner says (Hazel Elizabeth)

Cedar兩個幾月嚟到我哋屋企。我係第一次養狗,養狗前睇左好多養狗手冊。當時以為喺書堆入面揀啱方法,照辦煮碗,應該唔太難。當時我只係決定點都唔會用打黎教 Cedar。

Cedar初時一直都有啲疏離。佢唔鍾意我哋摸佢,一摸就咬。佢又咬梳化、牆壁、木製傢俱、褲腳、鞋,我哋時刻都要戒備。不過 NO佢,捉住佢,罰佢入籠都冇用,身心都好疲累。書上面講嘅野,到要用嗰時先知「睇易行難」。身邊越黎越多人提議打佢,我哋都覺得好氣餒。我聽人講可以搵 trainer,就上網搵吓,見到Sunny Sir 個 blog 同網頁,覺得佢嘅理念同方法係我 buy 嘅,就搵左 Sunny Sir幫手。當 Sunny sir講解佢套方法時,我哋發現原來就係我哋學過嘅野,但我哋一直冇諗過,原來可以純粹用正面鼓勵同自己嘅身體語言去令 Cedar 聽話,可以唔駛威逼恐嚇,只須利誘,仲可以寓訓練於娛樂。呢種方法比我睇書搵到嘅更符合我。

實踐 Sunny sir 嘅教導嗰陣,我哋都遇到困難,但 Sunny sir 好樂意解答問題,我哋終於慢慢同cedar建立到正面交流。佢宜家乖左好多,定左好多。好彩我哋喺佢三個月就搵Sunny sir教我哋,宜家我哋幫佢梳毛、剪指甲、滴耳仔、沖涼都輕鬆左。多得Sunny sir教會我哋點同佢相處,我哋全屋都可以好好享受同 Cedar相處嘅樂趣,我哋同Cedar都會繼續練習!

 

 

 

There are no products to list in this category.