Uni

Uni
名稱: Uni
品種: Welsh Corgi
性別: 男 / 三個月
問題: 大小便、咬手、興奮失控、夜吠

 


狗主訓練後感 / Owner says (David Fong)

我地第一次養狗,重要係一隻 “活潑” 的哥基,所以一開始就有一大堆問題。例如開始時,夜吠,過度興奮,咬手等,對住佢並唔係一般想像中小狗BB既可愛同友善,所以初初都好激氣 (血壓都升咗唔小)。為咗解決問題,其他人不同既意見又有,書又買咗一大疊,資料一大堆,但都係唔知點好。後來由朋友介紹Sunny,係佢身上學咗正確的理論同生活上的建議,例如狗糧好壞、大小便訓練、落街點控制狗狗等等,又有不同的工具幫助,頭兩堂過後見到Uni慢慢有進步,雖然問題仍然有,但我地開始知道應該從何入手,心情都輕鬆咗。Sunny既指導下有好多得著,以下既感受想分享:

1. 比狗狗知道我地係leader,主人要強,但唔係用武力.(如果唔係,甄子丹可能係宇宙最強既trainer)
2. 要一早比狗狗見識呢個世界,建立社交能力,唔做宅犬。主人的責任要保護佢,要知道邊隻係善良,邊隻有攻擊性
3. 工具的確有好多,但唔係有錢買就得,要用時間同恆心先可以發揮功能
4. 我地雖然係主人,又係衣食父母,但都唔容易可以要佢點做就點做。佢都有喜惡同性格.要時間慢慢來

養咗佢 7個月,現在 9 個月大,平均佢都有70分架喇! 多謝 Sunny 的教導!

 

 

 

There are no products to list in this category.